اسلام آباد 25 مئي (اے پي پي) خارجه وزير شاه محمود قرېشي وئېلي دي پاكستان د ملګرو ملتونو په عمومي اسمبلۍ او هر په نړيوال فورمز د فلسطين مسئله او د اسرائيل ظلمونه په بشپړه توګه رامخې ته كړي۔د فلسطين مسئلې تر مستقل حل په مينځني ختيز كښې امن نه شي راتللے٬ د ځاني زيان تحفظ او د مسئلې حل كولو لپاره به نړيوال ضمير بېدارول او شريكه تګلاره خپلول وي٬د عمومي اسمبلۍ صدر به د مئي په 27مه نېټه پاكستان ته راځي٬د بشري خواخوږۍ په بنياد به فلسطينيانو له مرسته لېږلې شي٬پاكستان په افغانستان كښې د امن لپاره د سهولت كار كردار ترسره كوي٬په افغانستان كښې امن٬پرمختګ او څوكالي غواړو۔د وزيراعظم عمران خان په موجودګۍ كښې د امريكې كومه اډه به د پاكستان په خاوره نه جوړېږي٬مونږ په ډاګه كړی چې ډرون بريدونه به نه زغملے كېږي٬نن پاكستان په محفوظو لاسو كښې دے۔د نهې په ورځ د سېنېټ په غونډه كښې د فلسطين په صورتحال پالېسي بيان كښې خارجه وزير ووئيل د جنرل اسمبلۍ په بېړنۍ غونډه كښې د پاكستان نمائندګۍ په توګه ما د هېواد نكته نظر وړاندې كړے او يو شريكه تګلاره وركرې شوې٬په كومه چې د او آئي سي٬عرب ډلې او غېر وابسته تحريك غړو مننه كوو٬خارجه وزير ووئيل د سلامتي كونسل څلور غونډې شوي خو په څه نتيجه نه دي رسېدلې٬د چين خارجه وزير هم مننه كوم چا چې د سلامتي كونسل د غونډې مشري كړې٬د سلامتي كونسل د صدر سره هم زما ملاقات شوے٬په يوه موقع د سلامتي كونسل په پنځلسو غړو كښې د څورلسو غړو مؤقف يو ؤ او يو غړے بل پلو ؤ خو يو غړي د ويټو اختيار استعمال كړو او اتفاق رانغلو۔ خارجه وزير ووئيل د تركيه خارجه وزير سره ما د صورتحال څخه خبر كړے٬د سعودي عرب او نورو هېوادونو خارجه وزيرانو په مشاورت سره دا پريكړه شوې چې د جنرل اسمبلۍ فورم استعمالولو سره به د هغوي پام د فلسطين صورتحال پلو راوګرځولې شي۔د سلامتي كونسل صدر د كورونا صورتحال باوجوده لويه پريكړه كړی او د بېړنۍ غونډې اجازه ئې وركړې۔ده ووئېل په شوې غونډه كښې مونږ د 22 كروړه اولس نمائندګي كړې او قامي اسمبلي مو په باور كښې اخستې٬ټولو سياسي ګوندونو د ښه والي ثبوت وركړے او متفقه قرارداد يې منظور كړے چې ورسره د حكومت لاس قوي شوي ۔ ده ووئېل دغه متفقه قرارداد د ملګرو ملتونو عمومي اسمبلۍ صدر٬خارجه وزيرانو او د سلامتي كونسل صدر ته هم وړاندې شوے۔خارجه وزير ووئيل د فلسطين مسئله د سلامتي كونسل په ايجنډا پرته پخوانۍ مسئله ده٬د عمومي اسمبلۍ صدر افتتاحي خطاب كړے او د مېډيا سره يې هم خبرې كړي۔ ده ووئېل د عمومي اسمبلۍ صدر ته د پاكستان دورې بلنه وركړې شوې او هغه به د مئي په 27مه نېټه پاكستان ته راځي۔ده ووئيل د فلسطين خارجه وزير له هم د پاكستان دورې بلنه وركړی شوې۔ده ووئيل د ملګرو ملتونو عمومي اسمبلۍ ته هم وئېلې شوي چې د امن عمل بحالۍ لپاره خپل كردار ترسره كړي او دا وئېلي شوي چې تر څو د فلسطين مسئلې مستقل حل نه وي لټولے شوے نو په مينځني ختيز كښې امن نه شي راتللے۔خارجه وزير ووئيل په سوشل مېډيا د فلسطين ظلمونه رامخې ته كولو كښې مهم كردار ترسره كړے٬د نورو قامونو او ضمير لرونكو هم مننه كوو۔ده ووئيل په مشي ګن كښې چې څومره ظلم شوے دومره په كوم اسلامي هېواد كښې نه دے شوے۔د روژې په 27مه ورځ په فلسطينيانو ظلمونه پېل شو وو ٬د وزيراعظم په سپارښتنه او آئي سي ته رجوع شوې او بيا د اسلامي خارجه وزيرانو غونډه هم وشوه ۔ده ووئيل مونږ چې د فلسطين په مسئله كوم موقف وړاندې كړے په هغې كښې شپږ نكات شامل دي چې پكښې د اسرائيلي ظلم مخ نيوے كول٬د بشري همدردۍ په بنياد مرسته وركول٬د اسرائيلي ظلمونو او د بشري حقونو خلاف ورزو غندنه كول٬ځواب وركول٬فلسطنيانو له نړيوال تحفظ وركول او د دوه رياستي حل نكات شامل دي۔ده ووئيل په 21 مئي د پاكستان اولس د وزيراعظم په درخواست د فلسطينيانو سره د يو والي څرګندونه كړې٬په وړومبي ځل د اسرائيل په ښارونو كښې هم احتجاج شوے۔ده ووئيل د پاكستان كابينې پريكړه كړی چې د بشري همدردۍ په بنياد به فلسطنيانو له مرسته لېږلې شي۔د مصر خارجه وزير سره رابطه شوې٬د مصر په لارو مرسته لېږلې كېدې شي۔خارجه وزير ووئيل د امريكې خارجه وزير سره په خبرو كښې د افغانستان په مسئله خبرې شوي او هغه د فلسطين مسئلې په حقله د پاكستان د پارليمان او اولس نكته نظر څخه خبر كړے شوے۔ ده ووئېل امريكا د افغانستان څخه تر 9 ستمبر خپل عسكر ستنوي٬پاكستان بيا بيا وائي چې مونږ په افغانستان كښې امن٬پرمختګ او څوكالي غواړو۔ده ووئيل د امريكې خاص نمائنده زلمے خليل زاد هم د پاكستان تعميري او مثبت كردار منلے۔پاكستان به د مسئلې حل كولو او سهولت كار كردار ترسره كوي۔د پاكستان وسله وال ځواكونو كردار د ستائنې وړ دے۔ده ووئيل افغانستان څخه د امريكائي عسكرو ستنېدو سره سره به د امن عمل زياتولو له هم خپل كردار ترسره كوو او تاريخ به د پاكستان ذمه واره كردار اويني۔ده ووئيل مونږ د افغانستان په كورنيو چارو كښې د لاس وهنې په ځاې هلته امن٬پرمختګ او څوكالي غواړو ځكه چې د افغانستان پرمختګ زمونږ پرمختګ دے٬مونږ غواړو چې تاپي ګاز پائپ لائن پروژه او كاسا 1000 پروژه بشپړې شي۔د تېر وخت لوظ نامو زيان زمونږ قام پورته كړے۔شاه محمود قرېشي ووئيل په افغانستان كښې د امن سره به د مينځني آسيا او افغانستان سره اقتصادي رابطې قوي شي٬د ګوادر هوائي مېدان به اقتصادي مركز وګرځي او د روزګار موقعې به راپېدا شي۔ده ووئيل مونږ په ډاګه وائيو چې په پاكستان كښې كومې غېر ملكي اډې نه جوړېږي٬د وزيراعظم عمران خان په موجودګۍ كښې به د پاكستان په خاوره كومه پوځي اډه نه جوړېږي۔د وزيراعظم په سپارښتنه او د كابينې د پالېسۍ له مخې دا واضحه كوو چې پاكستان په قوي لاسو كښې دے
پاكستان د ملګرو ملتونو په عمومي اسمبلۍ او په نړيوال فورمز د فلسطين مسئله او د اسرائيل ظلمونه په بشپړه توګه رامخې ته كړي۔په افغانستان كښې امن ٬ پرمختګ او څوكالي غواړو ٬ خارجه وزير شاه محمود قرېشي
مضمون کا ماخذ : کنگ میکر
متعلقہ مضامین
