اسلام آباد۔27 مئی(اے پی پی) د بېلو سياسي او مذهبي ګوندونو لارښودو دا خبره په ډاګه كړې چې په پاكستان كښې به قانون د قرآن او سنت له مخې وي٬ پاكستان له به اسلامي نړۍ سره خپلې اړيكې لا ښه كول وي٬ ملګري ملتونه او اسلامي نړۍ دې د فلسطين مسئلې په اړه د انصاف د نړيوال عدالت پرېكړه عملي كولو له خپل كردار ترسره كړي٬ مونږ له به د امت د يووالي خبره كول وي۔ د دې خيالاتو څرګندونه مقررينو د ملي يكجهتي كونسل تر اهتمام لاندې آل پارټيز كنفرنس ته خطاب كښې وكړه۔ په آل پارټیز کنفرنس كښې ډاكټر ابوالخیر محمد زبیر، لیاقت بلوچ، علامه عارف حسین واحدی، مفتی ګلزار احمد نعیمی، ضیاء اللہ شاہ بخاری او نورو علماﺀ كرامو او لارښودو ګډون وكړو۔ كنفرنس ته خپل خطاب كښې د جماعت اسلامي نائب امير لياقت بلوچ ووئيل د سود په ضد د كېس مو تر ډېرې مودې تعاقب وكړو چې په نتيجه كښې ئۍ د وفاقي شرعي عدالت پرېكړه رامخې ته شوه۔ ده ووئيل په كشمير د هند لخوا روان ظلم او زياتے ورځ په ورځ زياتيږي٬ په غزه كښې اسرائيل ظلم كوي٬ نړيوال عدالت پرېكړه كړې چې دا ظلم دې زر تر زره بند كړے شي٬ اسرائيل په دغه پرېكړه عملدرآمد نه كوي۔ ده ووئېل نړيواله ورورولي او اسلامي نړۍ دې په دې لړ كښې خپل كردار ترسره كړي۔ ده ووئيل د ايران د صدر ابراهيم ريئسي او د هغه د ملګرو په شهادت سخت خفه شوے يم ۔ ارواښاد په هر يو فورم خپل بشپړ كردار ترسره كړے۔ د ملی یکجهتی کونسل صدر مولانا ابو الخیر زبیر ووئيل د غزه صورتحال د ټولو په وړاندې دے٬ مونږ له به هېواد كښې د يووالي فضا په ځائے كول وي۔ ضیاء اللہ شاہ بخاري ووئيل د عقيده ختم نبوت تحفظ لپاره زمونږ مشرانو قربانۍ وركړي٬ دا عقيده زياته مهمه ده۔ پاكستان له به خپلو ګاونډيانو هېوادونو سره اړيكې ښې كول وي او دا د پاكستان معيشت ٬ استحكام ٬ بقاﺀ او سلامتيا لپاره ډېرې ضروري دي۔ د شیعه علماء کونسل پاکستان مرکزی نائب صدر علامه عارف حسین واحدي ووئيل د ايراني صدر ابراهيم رئيسي شهادت اسلامي نړۍ لپاره لوئې زيان دے۔ ایرانی صدر په هر فورم د اسلام ٬ قرآن او د مظلومو خبره كړې۔ د مجلس وحدت مسلمین مرکزي لارښود ناصر شيرازي ووئيل دا خبره ښكاره ده چې پاكستان كښې دې هر قانون د قرآن او سنت له مخې وي۔ پروفېسر ابراهيم ووئيل په آئين كښې ليكلي دي چې ټول قوانين به د قرآن او اسلام له مخې وي۔ د سپریم کورټ پرېكړې ماتحت عدالتونو لپاره د قانون درجه لري۔ ده غوښتنه وكړه چې د علماء كرامو په تقرر كولو دې وفاقي شريعت كونسل بشپړ كړے شي۔ دغسې دا مهال د غزه د مسلمانانو مرسته فرض عېن دے
پاكستان له به اسلامي نړۍ سره خپلې اړيكې لا ښه كول وي٬ ملګري ملتونه او اسلامي نړۍ دې د فلسطين مسئلې په اړه د انصاف د نړيوال عدالت پريكړه عملي كولو له خپل كردار ترسره كړي۔ د مقررینو اے پي سي ته خطاب
مضمون کا ماخذ : سمندری ڈاکو گولڈ
متعلقہ مضامین
