كراچي 04 نومبر (اے پي پي)د اطلاعات او خپرونو وزير مملكت فرخ حبيب وئېلي دي چې وزيراعظم په هېواد كښې احساس پروګرام او هغې سره تړلې نور فلاحي پروګرامونه په ښه ډول مخ په وړاندې بوتلل غواړي۔د دې خيالاتو څرګندونه ده په كراچۍ كښې د فلاحي ادارې سيلاني ويلفيئر ټرسټ دفتر دورې په موقع په خبرو كښې كړې۔ده ووئيل چې په بهرني هېوادونو كښې مېشته پاكستانيان هم په فلاحي كارونو كښې برخه اخلي٬د غريب او پسمانده طبقو لپاره كار كولو ته اړټيا ده۔ده ووئيل چې حكومت به په فلاحي كارونو كښې نه يوازې هر ممكنه مرسته وركوي بلكه د هېواد په ټولو لويو ښارونو كښې به لنګر خانې او د احساس پروګرام نېټ وركنګ زياتوالي هڅې كوي۔په دې موقع د سيلاني ويلفيئر ټرسټ مشر مولانا بشير فاروقي وزيرمملكت د ټرسټ فلاحي كارونو په اړه خبر كړو۔ده ووئيل چې سلاني ټرسټ دا مهال په پاكستان كښې يو نيم لاكه كسانو ته د درې وخته وړيا ډوډۍ وركوي او د زرګونو كسانو ووكېشنل ټريننګ پروګرام هم چلوي۔د دې څخه وړاندې د اطلاعاتو او خپرونو وزير مملكت فرخ حبيب ته د سېلاني ويلفيئر ټرسټ مشر مولانا بشير احمد فاروقي د اجرك سندهي ټوپۍ او د ګلونو ګلدسته هم وړاندې وكړه۔په آخر كښې مولانا بشير احمد فاروقي د هېواد او قام پرمختګ او خوشحالۍ لپاره خاص دعاګانې هم وكړې
وزيراعظم په هېواد كښې احساس پروګرام او هغې سره تړلې نور فلاحي پروګرامونه په ښه ډول مخ په وړاندې بوتلل غواړي۔فرخ حبيب
مضمون کا ماخذ : دیگر کلیدی الفاظ
متعلقہ مضامین
