اسلام آباد۔19ستمبر(اے پی پی) وزیر دفاع، دفاعی پیداوار و ہوابازی خواجہ محمد آصف نال مصر دے س??یر ایہاب عبدالحمید اتے زمبابوے دے س??یر تیتوس م??لیسوا جوناتھن ابو باسوتو انڄ انڄ ملاقاتاں کیتن جئیں اچ سانجھی دلچسپی دے امور ، ݙوپاسے تعاون دے امور زیر بحث آئے ۔ مصر دے س??یر ڈاکٹر ایہاب عبدالحمید حسن اسلام آباد اچ وزیر دفاع، دفاعی پیداوارتے ہوابازی خواجہ محمد آصف نال ملاقات کیتی ۔ وزیردفاع آکھیے پاکستان تے مصر وچال ݙو پاسے تعلقات خوشگوارتے سانجھے اعتماد تے قائم ہن ، مصر خطے دا اہم ملک اے تے ایندا استحکام تے ترقی مشرق وسطیٰ دے خطے اچ امن اتے خوشحالی سانڳے ناگزیر اے۔ وزیر دفاع اعادہ کیتے جو پاکستان ??زہ تے اسرائیلی جارحیت دی شدید مذمت کریندے فلسطین اچ آپݨے بھراویں نال پوری یکجہتی کریندے ۔وزیر دفاع آکھیے مصر تے پاکستان وچال دفاعی پیداوار سودھے سارے شعبیں اچ ودھݨ دی چنڳی صلاحیت موجود اے ۔ معزز مہمان نیک تمناواں سانڳے معزز وزیر دا شکریہ ادا کیتے تے دفاع سودھے سانجھی دلچسپی دے سارے معاملات اچ پاکستان دے رلے کم کرݨ سانڳے آپݨی حکومت دے عزم دا ݙسائے ۔ زمبابوے دے س??یر تیتوس م??لیسوا جوناتھن ابو باسوتو وی وزیر دفاع خواجہ محمد آصف نال ملاقات کیتی ۔وزیر دفاع آکھیے پاکستان اتے زمبابوے وچال سانجھے اقدار تے جدوجہد دی سانجھی تاریخ تے مبنی ݙوپاسے تعلقات ہن ۔ انہاں زمبابوے نال سیاسی، اقتصادی اتے دفاعی تعلقات کوں تکڑا بݨاوݨ دی خواہش ظاہر کیتی ۔دونوںفریقین ݙو پاسے تعاون دی موجودہ سطح تے اطمینان کیتے تے سانجھی دلچسپی دے شعبیں اچ اینکوں مزید اڳوں ودھاوݨ دا عزم کیتے
