پہلے مرحلے اچ ہک لکھ ستر ہزار نینگر??ں کوں آرٹیفیشل انٹیلی جنس، روبوٹکس،کلاوڈ کمپیوٹنگ دی تربیت اتے ہنر نال آراستہ کرنڑ تے توجہ ڈتی ویسی ، دوست ملکاں دی سانجھ تے تعاون نال 5سنٹر آف ایکسیلینس قائم کیتے ویسن ، وزیر اعظم کوں اجلاس اچ بریفنگ
اسلام آباد ۔ 8 جنوری (اے پی پی)وزیرِ اعظم عمران خان صبحائیں خمیس کوں ہنر مند نینگر پروگرام دا افتتاح کریسن جیں دے تحت نینگر??ں کوں سوکھیاں شرطاں تے قرضے ڈتے ویسن ، انہ??ں کوں ہنر مند بنڑاونڑ کیتے پیشہ وارانہ پروگرام سٹارٹ اپ اتے انٹرن شپ دا آغاز کیتا ویسی ۔بدھ کوں وزیر اعظم دی زیر صدارت اجلاس منعقد تھیا جیں اچ وزیر اعظم کوں “ہنرمند جوان”پروگرام تے بریفنگ ڈتی گئی ۔ اجلاس اچ وزیرِ تعلیم شفقت محمود، معاون خصوصی نوجوانان عثمان ڈار اتے سینئر افسران شریک تھئے ۔ معاونِ خصوصی نوجوانان عثمان ڈار موجودہ حکومت ولوں نینگر??ں کیتے شروع کیتے ونجنڑ مختلف پروگراماں دے حوالے نال ڈسایا ۔ انہاں پروگراماں اچ نینگر??ں کیتے سوکھیاں شرطاں تے قرضے ڈیونڑ ، نینگر??ں کوں ہنر مند بنڑاونر کیتے پیشہ وارانہ پروگرام، اسٹارٹ اپ اتے انٹرن شپ جیہوجے پروگرام شامل ہن۔معاون خصوصی عثمان ڈار ڈسائے جو آندے چار سال کیتے 30 ارب روپے دی لاگت دے ہنرمند جوان پروگرام دا باقاعدہ اجراءخمیس کوں کیتا ویسی ۔ وزیرِ تعلیم شفقت محمود وزیرِ اعظم کوں وزارت تعلیم، نیشنل ووکیشنل اینڈ ٹریننگ سنٹر اتے ہائر ایجوکیشن کمیشن دے تحت “ہنر مندجوان”اتے “اسٹارٹ اپ”پروگرام دے حوالے نال تفصیلی بریف کیتا ۔ وزیر ِ تعلیم ڈسائے جو ہنر مند جوان پروگرام دا پہلا فیز 20مہینے تے مشتمل ہوسی ایندے تے تقریبا ڈاہ ارب دی لاگت آسی ۔ایں پروگرام دا مقصد نینگر??ں کوں جدید ہنر ڈیونڑ ، انہاں دی صلاحیت تے استعداد ودھاونڑ ، پیشہ ورانہ صلاحیت تے ہنر دے حوالے نال کوالٹی اچ بہتری ، بین الاقوامی معیار کوں یقینی بنڑاونڑ تے نینگر??ں کیتے ودھ توں ودھ نوکریاں دے مواقع پیدا کرنڑ تے انہاں دی تکنیکی صلاحیت کوں بین الاقوامی معیار دے مطابق بنڑاونڑ کیتے بین الاقوامی اداریں نال رابطے تے لنک قائم کرنڑ اے۔استعدادِ کار اچ ودھارے ڈے حوالے نال وزیراعظم کوں ڈسایا گیا جو ہنر مند نینگر پروگرام دے پہلے مرحلے اچ ہک لکھ ستر ہزار نینگر??ں کوںہنر ڈیونڑ تے توجہ ڈتی ویسی ، انہاں اچ 50ہزار نینگر??ں کوں جدید ترین صلاحیت جیں اچ آرٹیفیشل انٹیلی جنس، روبوٹکس،کلاوڈ کمپیوٹنگ وغیرہ جیہوجے دے علم شامل ہن تربیت ڈتی ویسی ۔ہنر تے پیشہ وارانہ تعلیم تئیں رسائی کوں یقینی بنڑاونڑ کیتے (75) سمارٹ کلاس رومز قائم کیتے ویسن ۔وزیرِ اعظم کوں ڈسایا گیا جو دوست ملکاں دی سانجھ تے تعاون نال 5 سنٹر آف ایکسیلینس قائم کیتے ویسن ۔ٹیوٹا انسٹی ٹیوٹس کوں بین الاقوامی اداریں نال رلایا ویسی ۔ نینگر??ں کیتے نوکریاں میسر آونڑ کوں یقینی بنڑاونڑ کیتے وزیرِ اعظم کوں “اسٹارٹ اپ”پروگرام تے وی تفصیلی بریفنگ ڈتی ۔وزیرِ اعظم نینگر??ں کیتے مختلف پروگرام دے اجرا تے اطمینان دا اظہار کریندے ہوئیں آکھیا جو نینگر ملک دا اصل اثاثہ ہن بد??سمتی نال معیاراتے کوالٹی تے عدم توجہ پاروں نینگر??ں کوں تعلیم اتے ہنر حاصل کرنڑ دے باوجود وی مارکیٹ اچ نوکریاں دے حصول اچ مشکلات دا سامنڑ??ں کرنڑاں پوندے ۔ انہاں آکھیا جتھاں تعلیمی اداریں تے صنعت اچ مضبوط رابطے قائم کرنڑ دی ضرورت اے اتھاں ت??نیکی اتے پیشہ وارانہ تعلیم دے اداریں کوں مارکیٹ نال رلاونڑ تے معیار کوں یقینی بنڑاونڑ کیتے بین الاقوامی اداریں نال جوڑنڑ وی بہوں ضروری اے ۔انہاں ت??نیکی اداریں اچ اعلیٰ معیار کوں یقینی بنڑاونڑ دی اہمیت تے خصوصی زور ڈتا ۔ انہاں آکھیا جوجدید علوم مثلاً آرٹیفیشل انٹیلیجنس وغیرہ تے خصوصی توجہ ڈتی ونجے تاں جو نینگر جتھاں ملکی تعمیر ترقی اچ کردار ادا کرسگن تے اتھاں عالمی اداریں اچ وی اپنڑی صلاحیت دا موثر استعمال کرسگن۔
وزیرِ اعظم عمران خان صبحائیں ہنر مند جوان پروگرام دا افتتاح کریسن
مضمون کا ماخذ : ریل رش
متعلقہ مضامین
