اسلام آباد 28 نومبر (اے پي پي﴾ وزيراعظم عمران خان وئيلي دي چې هڅو سره به د پاكستان د خلقو صلاحيتونه په ډاګه شي او خلق به د غربت څخه وويستل شي، ماحولياتي تحريك يوه مقدس فريضه ده، د الله تعالٰی قرب ترلاسه كولو لپاره بايد انسان د نورو خلقو احساس وكړي، اشرافيه د پاكستان په وسيلو قبضه كړې ده، د قانون نه عملي كېدو په وجه پاكستان د خپلو صلاحيتونو څخه استفاده ونه كړې شوه. ده دا خبرې نامتو اسلامي سكالر شېخ حمزه يوسف سره د آن لائن خبرو په مهال وكړې څوك چې د زيتونه كالج صدر سره سره د مسلم حياتيات، قانون او فلسفه پشمول په ګڼ شمېر موضو عاتو د مضمونونو او مقاله جاتو ليكوال هم دے. وزيراعظم عمران خان ووئيل چې يوه ټولنه هم پرمختګ نه شي كولې چرته چې د قانون حكمراني نه وي. ده ووئيل چې د مهذب ټولنې بنيادي اصول د قانون حكمراني ده چرته چې طاقتور د قانون په دائره كښې راوستل كېږي. ده ووئيل چې په پرمختګ كوونكو هېوادونو كښې تر ټولو لويه مسئله د قانون د حكمرانې نشتوالې دے چرته چې مالداره لپاره يو او كمزور طبقې لپاره بل قانون دے او زندانونه هم د غريبانو نه ډك دي. ده ووئيل چې د قانون حكمرانې نشتوالي په وجه نه يوازې اولس د زياتره بنيادي اسانيو نه محروم دے بلكې هېواد هم د خپلو صلاحيتونو نه استفاده ونه كړې شوه.د هېواد په وسيلو د اشرافيه قبضه ده او د پاكستان اولس د روغتيا، تعليم او انصاف پشان د بنيادي اسانيو نه محروم دے. د يوې پوښتنې په ځواب كښې وزيراعظم ووئيل چې په پاكستان كښې لوي صلاحيتونه موجود دي، زمونږ اولس صلاحيت لري، د مېرټ تعلق هم د قانون حكمرانې سره دے. كه په ټولنه كښې مېرټ نه وي نو اشرافيه قابض كېږي او چې چا كله هڅې هم نه وي كړې، په چوكو كښېني. ده ووئيل چې خلق زوال پزير كېږي نه بلكې اشرافيه زوال پزير كېږي. ده ووئيل چې پاكستان د نبي كريم صلی الله عليه وآله وسلم د رياست مدينه د تصور له مخې يو اسلامي فلاحي رياست جوړول غواړم. ده ووئيل چې مونږ د پاكستان بنياد په دوه اصولو كېښودل غواړو چې پكښې وړومبې اصول فلاحي او انساني رياست دے كوم چې د ټولنې د كمزور طبقې خيال وساتي او دوهم اصول د قانون د حكمرانې دے. په هېواد كښې د اولس د خېر ښېګړې په اړه د يوې پوښتنې په ځواب كښې وزيراعظم عمران خان ووئيل چې حكومت د هېواد د تاريخ تر ټولو لوي فلاحي پروګرام پېل كړے دے. ده ووئيل چې زمونږ مقصد خلق د غربت نه ويستل، دولت پېدا كول او هغه خپرول او د اشرافيه او مافياز اجاره داري ختمول دي. ده ووئيل چې دا رښتيا دي چې عيقده انسان باوقار جوړوي او هم دې سره انسان آزادي ترلاسه كوي. وزيراعظم ووئيل چې امير هغه وي د چا چې ضمير خرڅ نه شي. ده ووئيل چې خوداعتمادي د انسان تر ټولو لويه خوبي ده.
هڅو سره به د پاكستان د خلقو صلاحيتونه په ډاګه شي او خلق به د غربت څخه وويستل شي. وزيراعظم عمران خان
مضمون کا ماخذ : کراچی لاٹری
متعلقہ مضامین
