اسلام آباد 09 ستمبر (اے پي پي) د منصوبه بندۍ٬پرمختګ٬اصلاحات او خاص اقدامات وفاقي وزير او د اېن اېف آر سي سي ډپټي چيئرمېن احسن اقبال وئېلي دي د اوسني سېلاب له امله پاكستان مجموعي انفراسټركچر٬ د ذريعه معاش پشمول او 4 مختلف چېلنجونو سره مخ دے٬مونږ به ډېر زر د دې چېلنجونو مخ نيوے وكړو ٬د وزيراعظم شهباز شريف د ملګرو ملتونو دورې څخه وړاندې به د سېلاب له امله د شوي زيان ابتدائي تخمينه لګولې شي٬د اوسني سېلاب له امله د هېواد په دريو كښې يوه برخه په اوبو كښې ډوبه ده٬ د كال 2005 زلزلې او كال 2010 سېلاب څخه زيات په دې سېلاب كښې زيان شوے ٬په سندھ كښې تر ټولو زياته برخه اوس هم په اوبو كښې ډوبه ده٬په ټريك اوبو كښې د ډوبېدو په سبب د اسلام اباد نه تر كراچۍ رېلوے آپرېشن معطل دے۔هغه د جمعې په ورځ نېشنل فلډ رېسپانس كوآرډينېشن سنټر(اېن اېف آر سي سي)كښې د وزيراعظم محمد شهباز شريف او د ملګرو ملتونو سېكرټري جنرل انتونيو ګوتيرس دورې په موقع بريفنګ وركولو۔په دې موقع د وفاقي كابينې غړي٬د نېشنل كوآرډينېټر اېن اېف آر سي سي ميجر جنرل اقبال هم موجود وو۔وفاقي وزير احسن اقبال د ملګرو ملتونو سېكرټري جنرل د پاكستان دورې هركلي كولو سره ووئيل پاكستان ته په دې سخت وخت كښې د نړيوالې ورورولۍ نه او ستاسو د یپغام څخه ډېره حوصله ترلاسه شوې٬نړۍ په دې بېداره شوې۔ده ووئيل د كال 2010 په سېلاب كښې 20 ملين خلق ځپلې شوي وو٬د اوسني سېلاب له امله 33 ملين خلق ځپلې شوي ٬د نړۍ په كوم هم هېواد كښې دومره لويه پېښه نه ده راغلې۔ده ووئيل مونږ څلورو چېلنجونو سره مخ يو۔په دې كښې په وړومبي لمبر د اوسني سېلاب له امله زمونږ انفراسټركچر ته زيان رسېدلے ٬سړكونه٬رېلوے٬د اوبو نظام٬روغتونونه٬واټر اينډ سيني ټېشن٬سكولونه٬٬برېښنا او د ګاز ټرانسمېشن لائينونو پشمول انفراسټركچر تباه شوے ۔ده ووئيل ورلډ بانك٬اېشين ډوېلپمنټ بانك او د ملګرو ملتونو پوهانو٬د منصوبه بندۍ او پرمختګ وزارت سره په ګډه د زيان اندزې لپاره سټډي پیل كړې۔د وزيراعظم محمد شهباز شريف د ملګرو ملتونو عمومي اسمبلۍ دورې څخه وړاندې به د زيان ابتدائي رپورټ جوړ كړے شي٬تفصيلي رپورټ به د څلورو نه تر 6 اوونيو كښې جوړ كړے شي۔زمونږ دوهم چېلنج ذريعه معاش ته زيان رسېدلے٬زمونږ فصلونه٬باغونه٬ راتلونكو فصلونو لپاره تخم تباه٬په لويه شمېره كښې څاروي مړه شوي۔ده ووئيل زمونږ چېلنج دا ځپلي 33 ملينه خلق بېرته د آسانۍ ماحول ته راوستل دي۔ده ووئيل د دې سېلاب له امله زمونږ 3 فيصده جي ډي پي ګروت متاثره شوے ٬ مونږ د وړاندې نه د ګرانۍ مقابله كوو۔ده ووئيل دا سينټرل سول٬ملټري٬وفاقي٬صوبائي حكومتونو او سټيك هولډرز سره په ګډه رېسكيو٬رېليف عملياتو لپاره مربوط مرسته باوري كوو۔په دې موقع د اېن اېف آر سي سي نېشنل كوآرډينېټر ميجر جنرل ظفر اقبال بريفنګ وركولو كښې ووئېل په سندھ كښې 600 ملي ميټر بارانونه شوي كوم چې د نور كله نه 500 فيصد زيات دي٬په نړۍ كښې تر ټولو زيات په يو ځاې دا بارانونه رېكارډ شوي٬ پاكستان ته د كال په 2005 زلزله كښې 5.2 ملين ډالر او د كال 2010 په سېلاب كښې 43 بلين ډالر زيان رسېدلے ؤ ۔ده ووئيل دا مهال د پاكستان په دريو كښې يوه برخه په اوبو كښې ډوبه ده٬د لاكهونو په شمېر د لائيو سټاك زيان شوے٬د اسلام څخه كراچۍ رېلوے ټريك په ځينې ځايونو په اوبو كښې ډوب شوے ۔ده ووئيل راتلونكې اونۍ كښې به د سندھ په حالاتو كښې بهتري راشي۔په سندھ كښې رېسكيو عمليات اوس هم روان دي۔ده ووئيل د پنجاب په دوه ضلعو كښې اوبه زياتې دي٬په ګلګت او آزاد كشمير كښې په تېر وخت كښې زيات بارانونه شوي خو دا ځل لږ بارانونه شوي ٬په منګلا بند كښې د اوبو ذخيره كولو ګنجائش برقرار دے۔ده ووئيل د دې سنټر د لارې ټول سټيك هولډرز٬صوبائي حكومتونه٬وسله وال ځواكونه مربوط هڅې كوي۔ده ووئيل د ملګرو ملتونو٬امريكې٬ چين٬متحده عرب امارات پشمول ټول دوست هېوادونه د رېليف هلو ځلو لپاره مرسته كوي په كومه چې مونږ د هغوي مننه كوو۔
د اوسني سېلاب له امله پاكستان مجموعي انفراسټركچر٬ د ذريعه معاش پشمول 4 مختلف چېلنجونو سره مخ دے٬مونږ به ډېر زر د دې چېلنجونو مخ نيوے وكړو ۔وفاقي وزير احسن اقبال
مضمون کا ماخذ : como apostar na loteria
متعلقہ مضامین
.jpg)