پينډۍ 29 جولائي (اے پي پي) د اطلاعات، خپرونو ، قامی ورثه او كلتور وفاقی وزیر عطاء اللہ تارړ ووئيل د عقیدہ ختم نبوت نه غير اسلام مکمل نه وي، اسلام د دروغو او انتشار خپرولو چا له اجازه نه وركوي، د چا د وژلو فتوې وركولو اختیار څوك هم نه لري، د داسې فتوې جاري کولو په شا لوئي سیاسي مقاصد پراته دي،چا له به هم قانون په لاسو كښې د اخستلو اجازه نه وركوو،د دې ډول اقداماتو غدنه كوو او مونږ به د مذهب په نوم د كركې خپرونكو او د قتل فتوې وركوونكو لاره نيسو۔ د دې خيالاتو څرګندونه ده د ګل په ورځ ډي سي آفس په خوا كښې د مسلم لیګ (ن) لارښود حنیف عباسي او علماء کرامو سره پرېس کنفرنس ته وينا كښې وكړه۔ د اطلاعات وفاقی وزیر ووئيل د تيرې ورځ راهسې د چیف جسټس آف پاکستان په خلاف ځېنې كسانو كمپائن روان كړے، د چا د وژلو د فتوې وركولو اختیار څوك هم نه لري، آيا هغوي د اسلام نه خبر دي چې دا ډول اعلانات کوي ؟ ۔ ده ووئيل د عقیدہ ختم نبوت نه غير دین نامکمل دے او هم دغه خبره د سپریم کورټ په پرېس ریلیز كښې هم واضحه كړې شوې ٬ پريكړه كښې وئيلي شوي چې په ختم نبوت د کامل او غیر مشروط ایمان نه غير څوك هم مسلمان نه شي پاتي كيدے۔ده ووئيل د سپریم کورټ د اړخه وضاحتی بیان راتللو نه پس د دې خبرې څه ګنجائش دے چې د قتل فتوې جاري كيږي او د چا په عقیده د تحفظاتو څرګندونه كېږي۔ده ووئيل دغه كسانو له دا حق چا وركړے ؟ دا د كوم دینی پوهنتون يا مدرسې څخه فارغ شوي دي چې دا ډول اعلانات کوي؟ ۔ ده ووئيل دا معامله د غندنې وړ ده، مونږ به د كركې خپرونكو ، د قتل فتوې جاري كوونكو او د چا په عقیده د شك او تحفظاتو څرګندونه كوونكو عناصرو لاره نيسو۔ ده ووئيل داسې فتوې جاري کولو په شا ښكاره سیاسي مقاصد پراته دي، دا فتویٰ هم په سیاسي بنیادونو جاري كړې شوې، زه دا پوښتنه كوم چې د هغه خپل طرز عمل څه دے ؟۔ ده ووئيل زما مشرانو د 1953 په تحریك كښې خپل کردار ترسره كرے ، د قاضی فائز عیسیٰ پلار قاضی عیسیٰ د قائداعظم نزدې ملګرے ؤ، هغه د هېواد په تعمیر او پرمختګ كښې مهم کردار لرلو،د هغه نيكه د مسلمانانو لپاره خپل کردار ترسره كړے۔ده ووئيل د قانون تحفظ او نفاذ د ریاست ذمه واري ده۔په دې كار اېف آئي آر درج كړے شوے،زمونږ په ټولنه كښې او هېواد كښې د دې هيڅ ګنجائش نشته چې د سياسي مقاصدو ترلاسه كولو لپاره دا ډول احکامات جاری کړے شي د كوم چې چا ته حق نه دې ترلاسه۔ ده ووئيل د دې عمل سخته غندنه كوو، د منصف اعلیٰ په اړه دا ډول کلمات قانوناً او اخلاقاً جرم دے،د دې عمل اجازت نه شي وركړے كيدے۔د يوې پوښتنې په ځواب وفاقی وزیر ووئيل د دې فتوې ٰ جاري كونكې په ضد اېف آئي آر درج کړے شوے چې پكښې د ترهه ګرۍ دفعات شامل کړې شوي،دا عمل د ترهه ګرۍ مترادف دے د كوم چې چرې هم اجازه نه شي وركړې كيدې۔ده ووئيل كله چې وزیراعظم شهباز شریف ووئيل اسرائیل د جنګی جرمونو ارتکاب کړے،ګڼ شمير فلسطینیان شهيدان شوي په هغې ولي دغه خلق خبره نه كوي ؟ ۔ ده ووئيل پاکستان څو زره ټنه مرسته د فلسطینیانو لپاره لېږلې ، مسلم لیګ (ن) يواځنې سياسي ګوند دے كوم چې په غزہ تر ټولو زيات غږ پورته كړے ، وزیراعظم په نړيوال فورمز هم دا خبره كړې چې اسرائیل دې انصاف سره مخ كړې شي او د بے ګناه فلسطینیانو نسل کشي دې بنده كړې شي،په دې مسئله دغه كسان ولي خاموشه دي ؟۔ د يوې بلې پوښتنې په ځواب ده ووئيل د فتوې په معامله به كوم لچك نه ښودلې كېږي ، دا معامله به ټيسټ کیس جوړولې شي دغسې چې سباؤن كښې څوك هم د دې ډول كار جرات ونه كړي، چا چې دا بیان وركړے د هغه په ضد به سخته كاروائي كولې شي۔ده ووئيل جماعت اسلامي سره به ټیکنیکل کمېټي خبري اترې كوي
د قتل فتوې جاری کولو اختیار چا سره نشته، د داسې فتوې جاری کولو په شا لوئي سیاسي مقاصد پراته دي، د مذهب په نوم د كركې خپرونكو او د قتل فتوې وركوونكو لاره به نيسو:عطاء اللہ تارړ
مضمون کا ماخذ : میگا مولا۔
متعلقہ مضامین
