اسلام آباد۔1مئی(اے پی پی) خارجه وزير مخدوم شاه محمود قرېشي وئيلي دي حکومت د مزدور او دياړي مار طبقې مسئلو ادراك لري٬ د مزدورانو نړيوالې ورځې په موقعه خواري كښو ته د عقيدت پېزوئينې وړاندې كوم۔ د هېواد پرمختګ د خواري كښو پرمختګ سره تړلے دے۔ وزیراعظم عمران خان د مزدوراو دياړي مار طبقې لپاره فكرمند دے۔ د داسې طبقو په ژوند كښې بدلون راوستلو د وزيراعظم مشن دے۔ د وزیراعظم عمران خان احساس پروګرام خواري كښو لپاره د هغه د پالېسيو عكاسي كوي۔ د دې خيالاتو څرګندونه هغه تېره ورځ د مزدور ورځې په موقع جاري كړې شوي خپل بيان او ملتان كښې بېلو دستورو ته خطاب او پلاويو سره د ملاقات په مهال خپلو خبرو كښې وكړه۔ د كورونا نړيوالې وبا په اړه هغه ووئيل كورونا وباﺀ د نړۍ مضبوط او طاقتور معيشتونه ځپلې دي۔ د پاكستان په ډول پرمختګ كوؤنكي هېواد لپاره د وباﺀ د اثراتو مقابله كول لوئے چېلنج دے۔ هغه ووئيل مونږ په دې صورتحال كښې خپل خاص پام جغرافیائی معاشی ترجیحاتو ته ګرځولې دې۔ هغه ووئيل ما ګرده نړۍ كښې سفارتخانو ته هدايت جاري كړے دے چې پاکستان كښې د كركيلې ٬ فوډ سکېورټی ، انفارمېشن ټېکنالوجی او د سېلګرۍ په شمول بېلو څانګو كښې د سرمايه كارۍ په زړه پورې موقعې موجود دي۔ ضرورت د دې خبرې دې چې نړۍ د دې موقعو نه خبر كړې شي۔ هغه ووئيل پاكستان د افغان امن په شمول منطقه كښې امن له به خپلې مصالحانه هڅې روانې ساتي۔ منطقه كښې تل پاتې امن له به نړيوالې ورورلۍ له خپل مثبت كردار ترسره كول وي۔ هغه ووئيل د كشمير مسئله د يوې منطقې مسئله نه ده بلكې نړيواله مسئله ده او د ملګرو ملتونو قراردادونو له مخې به دا حل كول وي۔ هغه ووئيل نړيوالې ورورولۍ له به كشمير كښې د بشري حقونو روانو خلاف ورزيو لړۍ مخنيوي او مظلوم كشميرې اولس د هندي قابض پوځ د ظلم او زياتي نه خلاصولو له خپل كردار ترسره كول وي۔ دې نه وړاندې خارجه وزير ملتان كښې يوه مصروفه ورځ تېره كړه
پاكستان د كشمير مسئله په هر يو نړيوال فورم پورته كړې او سباؤن كښې به هم دغسې كوي۔ خارجه وزير مخدوم شاه محمود قرېشي
مضمون کا ماخذ : سامرائی کی خوش قسمتی۔
متعلقہ مضامین
