اسلام آباد۔14دسمبر(اے پی پی)خارجه وزير بلاول بهټو زرداري وئېلي دي چې د پاكستان او هند ځوانان امن لپاره چمتو دي او هغوي يو سوليز او سوكاله ګاونډګيري ليدل غواړي٬مونږ د تقسيم نه بلكې د اتحاد په سياست باور لرو٬مونږ د پاكستان په جمهوريت باور لرو او په دې به عمل كوو٬زمونږ لپاره د جمهوريت او د ادارو مضبوطيا ډېره مهمه ده٬وزيراعظم او د هغه اقتصادي ډله به د ټولو اتحاديي ګوندونو په مرسته هېواد د سخت معاشي دور څخه ويستلو كښې كامياب شي۔ د دې خيالاتو څرګندونه ده چينل نيوز اېشيا(سي اېن اے)ته د مركې وركولو په مهال وكړه۔ خارجه وزير بلاول بهټو زرداري ووئېل زمونږ اپوزېشن د پوځ سياست څخه د شاته كېدو كمپائن نه چلوي بلكې احتجاج كوي چې پوځ غېر آئيني مداخلت نه دې كړې او دې د عدم اعتماد ووټ كولو څخه منع نه ده كړې۔ ده د يوې پوښتنې په ځواب كښې ووئيل چې كله چې مونږ په اقتدار كښې راغلو نو زمونږ د آئي اېم اېف سره لوظنامه نه وه شوې بلكې دا د عمران خان ډيل و٬كله چې هغه ته پته ولګېده چې د عدم اعتماد ووټ ماتې سره مخې كېږم نو هغه د دې څخه په شا شو او داسې اقدامات يې وكړل كومو چې زمونږ په تاريخ كښې په وړومبي ځل پاكستان ډيفالټ كېدو ته ورسولو۔ده ووئيل وزيراعظم شهباز شريف او د هغه اقتصادي ډلې په اولنو شپږو مياشتو كښې هېواد ته رامخې ته شوې صورتحال په نظر كښې نيولو سره سختې معاشي پريكړې وكړې ځكه چې مونږ د سنجيده معاشي اصلاحات عزم كړې٬مونږ د پاكستاني اولس لپاره د نتيجې وړ كار كول غواړو۔ده ووئيل چې په پاكستان كښې د سېلاب د تباهۍ په نتيجه كښې د هېواد په دريو كښې يوه برخه په اوبو كښې ډوبه شوې٬د دې څخه 33 ملين خلك ځپلې شوي او 30 ارب ډالر څخه زيات زيان شوې۔ دا څرګنده ده چې دا مهال مونږ د يو سخت صورتحال څخه تېرېږو البته زه باور لرم چې وزيراعظم او د هغه اقتصادي ډله به د ټولو اتحادي ګوندونو مرستې سره هېواد كه پاك پرودرګار ته منظور وي د سخت معاشي دور څخه ويستلو كښې كامياب شي۔د ترهه ګرۍ او انتهاخوښۍ په اړه د يوې پوښتنې په ځواب كښې ده ووئيل چې مونږ رامخې ته شويو چېلنجونو څخه خبر يو٬مونږ د حكومت په حېثيت سره د يو رياست او سياسي ګوندونو په توګه هم سنجيده يو چې چرته هم داسې پیښې رامخې ته كېږي د هغې نوټس اخستلې كېږي۔ده ووئيل چې په هند كښې د بشري حقونو په خاص توګه د مسلمانانو اقليت مذهبي آزادو په اړه صورتحال او مقبوضه جمو كشمير كښې د بشري حقونو سنګين خلاف ورزۍ په نړيواله كچه د تشويش وړ دې۔د يوې پوښتنې په ځواب كښې بلاول بهټو زرداري ووئيل چې زما په خيال د هند او پاكستان ځوانان امن لپاره چمتو دي او هغوي يو سوليز او سوكاله ګاونډيتوب ليدل غواړي٬زه په ځوان كول باور لرم او مونږ د 21مې پېړۍ جمهوريت ته د رامخې ته شوې چېلنجونو مقابلې كولو لپاره چمتو يو٬د تقسيم سياست ته به د اتحاد سياست سره ماتې وركوو٬د كركې سياست ته به د هيلو سياست سره ماتې وركوو٬د دروغو سياست ته به د رېښتيا سياست سره ماتې وركوو۔ده ووئيل چې زمونږ سباؤن د نوې كول په لاس كښې دې٬مونږ هيله لرؤ چې سبا به د نن نه ښه وي۔ د يوې بلې پوښتنې په ځواب كښې ده ووئيل چې مونږ د تقسيم نه بلكې د اتحاد په سياست باور لرو٬مونږ د نفرت او تفريق په سياست باور نه لرو٬مونږ د پاكستان په جمهوريت باور لرو او په دې به عمل كوو۔ده ووئيل چې زمونږ لپاره د جمهوريت او د ادارو مضبوطيا ډېره مهمه ده۔ده ووئيل چې د محض انا په خاطر اسمبلۍ ختمول په كومه هم توګه د هېواد خذمت نه وي٬د دې څخه به معاشي استحكام او جمهوريت ته هېڅ ګټه ونه رسي
د پاكستان او هند ځوانان امن لپاره چمتو دي٬مونږ د تقسيم نه بلكې د اتحاد په سياست باور لرو۔ خارجه وزير بلاول بهټو زرداري مركه
مضمون کا ماخذ : بہت سے نتائج
متعلقہ مضامین
