اسلام آباد۔1نومبر(اے پی پی) سعودی ??رب دے دارالحکومت ریاض اچ وفاقی وزراء دا سعودی حکام نال اعلیٰ سطحی اجلاس تھئے جیں اچ پاکستان تے سعودی ??رب وچال باری سرمایہ کاری دے روڈ میپ تے ڳالھ مہاڑ کیتی ڳئی اتے سعودی وفد دے اڄوکے دورہ پاکستان تے وزیر اعظم دے سعودی ??رب دے دورے دی روشنی اچ سانجھے معاہدیں کوں عملی جامہ پواوݨ تے اتفاق کیتا ڳئے ۔ جاری پریس ریلیز موجب سعودی ??رب دے وزیر سرمایہ کاری شیخ خالد بن عبدالعزیز الفالح نال اعلیٰ سطحی وفد دے رلے ریاض اچ پاکستان توں دورے تے ڳئے ہوئے وفاقی وزیر سرمایہ کاری بورڈ، نجکاری اتے مواصلات عبدالعلیم خان اتے وزیر پٹرولیم مصدق ملک اعلیٰ افسراں دے رلے اجلاس منعقد کیتا جیں اچ ݙوہیں ملکاں اچ طے تھیوݨ آلے ایم او یوز تے مختلف شعبیں اچ سرمایہ کاری دے معاہدیں تے عملدرآمد دا جائزہ ڳھدا ڳئے۔ سعودی وزیر سرمایہ کاری شیخ خالد بن عبدالعزیز الفالح وفاقی وزراء دا سعودی ??رب اچ خیر مقدم کریندے آکھیے انھاں دا اڄوکا دورہ پاکستان خوشگوار، مثبت اتے تعمیری رہیے جیں دے تناظر اچ آندی پیشرفت دا جائزہ ڳھدا ویندا پئے ، انھاں وفاقی وزیر سرمایہ کاری بورڈ کوں 25اتے26نومبر کوں سعودی ??رب اچ تھیوݨ آلے ایکسپو اچ شرکت دی دعوت ݙیندے پاکستان اچ سرمایہ کاری سانڳے ہر ممکن تعاون دا یقین ݙیوائے ، انھاں آکھیے جو پاکستانی معیشت تے تجارت دے ودھارے اچ ماضی وانڳوں اڳوں وی سعودی ??رب بھرپور کردار ادا کریسی تے جنہاں شعبیں دی نشاندہی کیتی ڳئی اے انھاں اچ سرمایہ کاری دا حجم مزید ودھیسوں ۔ آپݨی ڳالھ اچ وفاقی وزیر سرمایہ کاری بورڈ عبدالعلیم خان سعودی حکام کوں ݙسائے جو پاکستان سرمایہ کاری سانڳے اہم شعبیں دی ترجیحی فہرست موجب عملدرآمد یقینی بݨیسی تے سازگار ماحول ݙیوݨ دے نال سعودی سرمایہ کاراں کوں غیر ضروری کارروائیاں ت??ں گریز اتے ہر طرح دی سہولت ݙیوݨ یقینی بݨیسن ، اساکوں نویں ت??اضیں موجب سرمایہ کاری دے امور کوں اڳوں ودھا تے پاک سعودی تعلقات کوں تکڑا کرݨا اے ، ھک مہینے اچ سعودی ??رب دے وزیر سرمایہ کاری دی پاکستان آمد تے انھاں دے وختی بعد وزیر اعظم پاکستان دا اتھاں دا دورہ تے وفاقی وزراء دی موجودگی ساݙے مضبوط عزم دا اظہار کیتے ، ایں اعلیٰ سطحی اجلاس اچ سرمایہ کاری سانڳے سعودی اتے وفاقی وزراء وچال فالواپ جاری رکھݨ تے کم دی رفتار ودھاوݨ تے اتفاق کیتا ڳئے جݙاں جو وفاقی وزراء عبدالعلیم خان اتے مصد ق ملک سعودی وزیر سرمایہ کاری شیخ خالد بن عبدالعزیز الفالح اتے سعودی حکام نال اظہار تشکر کریندے ݙوہیں ملکاں سانڳے خوش آئند قرار ݙتا ۔ تکنیکی امور کوں وختی مکمل ??رݨ سانڳے اہم فیصلیں دی منظوری ݙتی ڳئی جیں دے بعد سرمایہ کاری دا عملی طور تے آغاز تھی ویسی ۔
