اسلام آباد۔21ستمبر(اے پی پی) وفاقی وزیر داخلہ محسن نقوی آکھیے چین نال تعلقات اچ سنکیانگ صوبہ پاکس??ان سانڳے ٻہوں اہمیت رکھیندے ، سنکیانگ نال ساݙی 600 کلومیٹر طویل سرحد اے، چین پاکس??ان اقتصادی راہداری(سی پیک) منصوبہ وی سنکیانگ توں تھی تے گزردے ، پاکس??ان منشیات، اسلحے اتے ٻیاں ساریاں چیزاں دی اسمگلنگ دا منڈھوں خاتمہ چاہندے ۔ اے ڳالھ وفاقی وزیر داخلہ محسن نقوی چین دے وزیر سیاسی و قانونی امور چن منگگو دی سربراہی اچ اعلی سطحی چینی وفد نال ملاقات اچ آکھی اے جنھاں وزارت داخلہ دا دورہ کیتا۔ وزیر داخلہ چینی وزیر اتے انھاں دے وفد دا وزارت داخلہ آوݨ تے پرتپاک استقبال کیتا۔ ملاقات اچ انسداد دہشت گردی، سرحد پار ??عا??ن، انسداد اسمگلنگ اتے انسداد منشیات دیاں کوششاں سودھے مختلف شعبیں اچ ??عا??ن ودھاوݨ تے اتفاق کیتا ڳئے ۔ ملاقات اچ پاک چین تعلقات بالخصوص سنکیانگ نال تعلقات اتے سانجھی دلچسپی دے امور تے ڳالھ مہاڑ تھئی ۔ اجلاس اچ گلگت بلتس??ان یا سنکیانگ اچ پولیس اتے نیم فوجی دستیں دی مشترکہ مشقاں کرݨ تے سنکیانگ پولیس اکیڈمی اچ گلگت بلتس??ان دے پولیس افسراں کوں تربیت ݙیوݨ تے اتفاق تھئے ۔ ملاقات اچ ایں ڳالھ ??ے وی اتفاق تھئے جو دہشت گردی دے خلاف جامع اقدامات کیتے ویسن جیڑھا عالمی مسئلہ اے۔ اے وی فیصلہ تھئے جو وفاقی سیکرٹری داخلہ دی سربراہی اچ پاکستانی وفد سانجھے ??عا??ن ودھاوݨ سانڳے وختی سنکیانگ دا دورہ کریسی ۔ چین دے وزیر چن منگگو وفاقی وزیر داخلہ محسن نقوی کوں وی سنکیانگ دورے دی دعوت ݙتی ۔ محسن نقوی آکھیے پاکس??ان منشیات، اسلحے اتے ٻیاں ساریاں چیزاں دی اسمگلنگ کوں منڈھوں مکاوݨ چاہندے ۔ انھاں آکھیے پاکستانی وفد دے دورہ سنکیانگ توں سانجھے ??عا??ن کوں تکڑا کرݨ دے نویں رستے کھلسن ۔ چینی وزیر پاکس??ان نال سارے شعبیں اچ تعلقات ودھاوݨ دی خواہش دا اظہار کیتے۔ انہاں آکھیے دہشت گردی ھک وݙا چیلنج اے ، سنکیانگ کئی سالاں توں ایندا شکار اے ، انھاں آکھیے پاکس??ان انسداد دہشت گردی اچ سنکیانگ دے تجربے توں فیدہ چا سڳدے ۔ ملاقات اچ پاک چین تعلقات بالخصوص سنکیانگ نال تعلقات اتے سانجھی دلچسپی دے امور تے ڳالھ مہاڑ کیتی ڳئی ۔ چینی وفد اچ سنکیانگ دے پارلیمانی اتے قانونی امور دی کمیٹی دے ڈپٹی سیکرٹری، ایگزیکٹو ڈائریکٹر جنرل آف پولیس اتے سنکیانگ پولیس اکیڈمی دے نائب صدر شامل ہن ۔ ایں موقع تے سیکرٹری داخلہ خرم علی آغا، اسپیشل سیکرٹری داخلہ وقاص علی محمود اتے ایڈیشنل سیکرٹری داخلہ نذر محمد بزداروی موجود ہن۔
