اسلام آباد ۔ 5 نومبر (اے پی پی) د اقتصادي چارو وفاقي وزير حماد اظهر د ”کارکے” شخړې په غوره ډول هوارې اولس له مباركي وركولو سره وئيلي دي د وزیراعظم عمران خان او ترکيه اولس مشر رجب طیب اردوان خاص هڅو سره دا مسئله حل شوې ۔ د روان مالي كال په اولنو درېو مياشتو كښې د روانو حسابونو كښې 64 فیصد کمې راغلې۔ د پرائمری بجټ بېلنس په لړ كښې د درې مياشتو په مهال 285 اربه روپو نه زيات آمدن تر لاسه شوې۔ په فارن پورټ فولیو سرمایه کارۍ كښې 137 فیصده زياتوالې راغلې۔ مونږ له د تېر دور د اخستې شوي پور قسطونه او سود هم وركوو۔ تېر كال مو د 10 نيم اربه ډالرو قرض بېرته وركړې او دا لړۍ روانه ده۔ اېف بي آر څخه ملازمان نه اوباسوو۔ معيشت ته استحكام وركولو نه وروستو مونږ بل پړاؤ ته داخلېږو۔ نور زيري به ترغوږو شي۔د نهې په ورځ خبري كنفرنس كښې وفاقي وزير ووئيل د ”کارکے” لوظنامه 40 كاله وړاندې د پيپلز ګوند په دور كښې شوې وه كومه چې اپوزيشن چېلنج كړې وه۔ وروستو دا معامله د نړيوالو شخړو هوارولو سنټر ته لاړه چرته چې پاكستان د 1.2 اربه ډالره جرمانې سره مخ شو۔ ده ووئېل 18 هېوادونو قانوني چاره جوئي پېل كړې وه ولې د موجوده حكومت هڅو سره دا مسئله په غوره ډول حل شوه۔ په دې ټول قام د مباركۍ مستحق دے۔ د موجوده حكومت د اقتصادي كاميابو ذكر كولو سره ده ووئيل د روان مالي كال په اولنيو درېو مياشتو كښې د روانو حسابونو خساره د تېر كال په مقابل كښې 64 فيصده كمې شوې۔ مالي خساره كښې د اولنيو درېو مياشتو په مهال 50 فيصدہ كمې ريكارډ كړې شوې۔ ده ووئېل د پرائمری بجټ بېلنس په لړ كښې د درېو مياشتو موده كښې د 285 اربه روپو آمدن زيات شوې۔ په فارن پورټ فولیو سرمایه کارۍ كښې 137 فیصده اضافه شوې۔ ۔ حماد اظهر ووئيل د كال 2017ء نه وروستو د مياشتې په سر د زرمبادله پنګې 500 ملينه ډالره مخ په كمېدو وې۔ جنوری 2019ء څخه صورتحال كښې استحكام راغلې۔ د جون نه وروستو د زرمبادله په پنګو كښې 650 ملینه ډالره اضافه شوې۔ وفاقې وزير ووئيل حكومت چې د معيشت استحكام او ټېكس نېټ پراخا كولو له كوم ګامونه پورته كړې د هغې د ډاډ وړ نتيجې رامخې ته كېږي۔ د تېر كال په مقابل كښی د روان كال په مهال د فائلر شمېره 55 فيصده زياته شوې۔ دغسې داخلي محصولات هم 25 زيات شوي۔ ده ووئيل كله چې مونږ حكومت ترلاسه كړو نو د برېښنا او توان نظام مفلوج شوې ؤ۔ ګرځنده قرض 400 اربه روپو څخه 1200 اربه روپو ته رسېدلې ؤ۔ موجوده حكومت په دې كښې كمې كړې او تر دسمبر مياشتې به قرضه صفر كړې شي۔ ده ووئيل كاروبار كښې د آسانيو په لړ كښې د پاكستان په نړيوال رېنكنګ كښې 28 پوائنټه اضافه شوې كومه چې د حكومت د سرمايه كارۍ او تاجر دوسته پالسيو عكاسي كوي۔ ده ووئېل سټاك ماركيټ كښې د اګست څخه تر دې دمه 6 زره 500 پوائنټس زيات شوي ۔ تېرو ورځو كښې انډېكس كښې د 1500 پوائنټ اضافه شوې۔ د ګرانۍ په اړه د يوې پوښتنې په ځواب كښې ده ووئيل د افراط زر په شرح كښې زياتوالې شوې ولې د دې وجوهاتو ته به هم كتل وي۔ د پیپلز ګوند په اولنيو 13 مياشتو كښې د ګرانۍ شرح 21 نيمه فيصده وه ، د مسلم لیګ (ن) په دور كښې 8.4 فیصده او د پي ټي آئي حكومت كښې 8 فیصده ده۔ ده ووئيل د مالي كال په اولنيو درېو مياشتو كښې د 960 اربه روپو ټېكس جمع كړې شوې۔ ده ووئېل معيشت ته د استحكام وركولو نه پس مونږ بل پړاؤ ته داخلېږو په كوم كښې به چې نور زيرې ترغوږو شي۔ د يوې بلې پوښتنې په ځواب كښې ده ووئيل سندھ حكومت غنم اخستې نه وو چې لامله ئې په ځينو سيمو كښې د غنمو كمې رامخې ته شوې خو بياهم د پاسکو ګودامونو څخه 6 لكه ټنه غنم وركولې شي چې ورسره به صورتحال ښه شي۔ ده ووئيل په ګرانۍ قابو موندلو له صوبائی حکومت سره په ګډه كار كوو۔ د خوراك د ځينو څيزونو بيعې د موسمي اثرات په سوب هم زياتې شوې
د اقتصادي چارو وفاقي وزير حماد اظهر خبري كنفرنس
مضمون کا ماخذ : اسکریچ کارڈ کے نتائج
متعلقہ مضامین
