اسلام آباد 11 مارچ (اے پی پی) صدر مملكت د سېنېټ غونډه(نن)د جمعې پھ ورځ سهار لس بجې د پارليمان ودانۍ ته رابللې ده۔د زيارت په ورځ د جاري شوي نوټيفيكېشن له مخې صدر مملكت د آئين د آرټيكل 54 د شق 1 له مخې د سېنېټ غونډه رابللې۔د سېنېټ په غونډه كښې به نوي ټاكلې شوي غړي سوګند پورته كوي او د سېنېټ چيئرمېن او ډپټي چيئرمېن ټاكنې به كېږي۔د سېنېټ سېكرټرېټ د سېنېټ د غونډې ايجنډا جاري كړی۔د ايجنډې له مخې د سېنېټ سېكرټري به د صدر مملكت لخوا د پريزائيډنګ افسر د نوم اعلان كوي۔ او نوو ټاكلو شوو غړو ته به هركلے وائې ۔د آئين آرټيكل 65 له مخې به نوې غړي سوګند پورته كوي۔د دې نه پس به د سېنېټ چيئرمېن او ډپټي چيئرمېن د ټاكنو شيډول او پروګرام جاري كوي او غونډه به د ماسپين تر دريو بجو ځنډولې شي۔په درې بجې د غونډې بيا پیل كېدو نه پس به د سېنېټ چيئرمېن چوكۍ لپاره د كانديدانو د نومونو اعلان كولې شي كه ضروري وه نو د خفيه بېلټ د لارې به د چيئرمېن د ټاكنې او نتيجې اعلان كولې شي۔د دې نه پس به د سېنېټ نوې ټاكلے شوے چيئرمېن د آئين د آرټيكل 53 د شق 2 او د آرټيكل 61 له مخې سوګند پورته كوي۔د سېنېټ چيئرمېن د سوګند نه پس به د ډپټي چيئرمېن د ټاكنې عمل پېل كېږي او د چيئرمېن د ټاكنې پشان به د ډپټي چيئرمېن ټاكنه كېږي٬د كامياب شوي ډپټي چيئرمېن څخه به د سېنېټ چيئرمېن سوګند اخلي
صدر مملكت د سېنېټ غونډه(نن)راوبلله٬په غونډه كښې به د سېنېټ د چيئرمېن او ډپټي چيئرمېن ټاكنې كېږي
مضمون کا ماخذ : شریر چڑیل
متعلقہ مضامین
