سرګودھا۔14اپرېل(اے پی پی) وزیراعظم عمران خان وئيلي دي د پاكستان په تاريخ كښې په اولني ځل د هاؤسنګ په څانګه كښې په سركاري كچه دومره لويه منصوبه پېل كړې شوې ده۔ د تعميراتو څانكې سره 30 صنعتونه تړلې دي۔ په دې منصوبو كښې به ځوانانو ته د روزګار موقعې په لاس ورشي۔ صنعت به وده ومومي۔ د هېواد پېسه به زياته شي۔ د كورونو ترلاسه كولو له خلقو وړاندې نه رجسټرېشن پېل كړے دے۔ د دې خيالاتو څرګندونه وزيراعظم د شورؤ په ورځ سرګودھا كښې د نيا پاكستان هاؤسنګ پروګرام ترسېوري لاندې د 1 زر 175 كورونو جوړولو منصوبې بنياد تېګې اېښودو په مهال وكړه۔ د منصوبې له مخې به په سرګودھا كښې به په 6 بېلو ځايونو كښې په 3 ٬ 3 مرلو ارزان كورونه جوړولې شي۔ د پنجاب حكومت به دې منصوبې له زمكه او نورې آسانۍ وركوي۔ بېنک آف پنجاب به د مارګېج آساني وركول په خپله ذمه اخلي چې له امله به ئې مستحق وګړي د كور ټول قيمت په آسانو قسطونو كښې ادا كولې شي۔ د دې كورونو الاټمنټ به مستحق وګړو ته د قرعه اندازۍ د لارې كولې شي۔ دې منصوبې لپاره 33,528 خواستونه ترلاسه شوي دي۔ سرګودها كښې د منصوبې تختې مخكتنې په موقعه د پنجاب اعلی وزير عثمان بزادر هم وزيراعظم سره و۔
د پاكستان په تاريخ كښې په اولني ځل د هاؤسنګ په څانګه كښې په سركاري كچه دومره لويه منصوبه پېل شوې ده۔ وزیر اعظم عمران خان
مضمون کا ماخذ : میان میجک وائلڈ فائر
متعلقہ مضامین
